Policia ka njoftuar se të shtunën gjatë natës është vendosur një barrikadë e re në veri, saktësisht në lagjen Berxhan që shpie për në Zveçan, përcjell InLajmi.
Përmes një njoftimi Policia ka bërë me dije se situata e sigurisë vazhdon të jetë e njëjtë dhe se 2 pikat kufitare Jarinje dhe Bërnjak vazhdojnë të jenë të mbyllura.
Pengimi i lirisë së lëvizjes së lirë në rrugët alternative po vështirëson edhe më tej jetën e qytetarëve në veri të vendit the se Policia e Kosovës po angazhohet në ofrimin e sigurisë ndaj gjithë qytetarëve dhe vendit, thuhet në njoftim.
Njoftimi i plotë nga Policia e Kosovës:
Vendosja e barrikadave vazhdon të cenojë lirinë e lëvizjes së lirë, e po ashtu të pamundësojë hyrje-daljet në 2 pikat kufitare të qytetarëve dhe mallrave. Gjatë natës ka vazhduar vendosja edhe e një barrikade të re, në lagjen Berxhane që shpie për në Zveçan, për të vazhduar pengimin e lirisë së lëvizjes së lirë edhe në rrugët alternative, e që po vështirëson edhe më tej jetën e qytetarëve në veri të vendit. Policia e Kosovës, sipas mandatit të saj ligjor e kushtetues po angazhohet në ofrimin e sigurisë ndaj të gjithë qytetarëve dhe vendit./InLajmi/
