2 ekipet e mposhtur në gjysmëfinale, Kroacia dhe Maroku do të përballen sot për vendin e 3-të në Kupën e Botës që po mbahet në Katar.
Kroacia u mposht nga Argjentina në gjysmëfinale me rezultat 3:0.
Në anën tjetër, Maroku u mposht 2:0 nga kampioni në fuqi, Franca.
Para ndeshjes në konferencë për media ka folur edhe trajneri i Marokut, Walid Regragui, transmeton Gazeta Express.
“Të them të drejtën, do të jetë një sherr për mua. Është e komplikuar të luash 2 ditë pas një zhgënjimi të madh. E 3-ta ose e 4-ta?! Në fund kujtohet vetëm kush fiton, as vendi i 2-të. Kujtohen vetëm fituesit dhe ne humbëm. Sigurisht që ta mbyllim të 3-tët, për nga imazhi do të ishte shumë mirë. Por është e vështirë ta bësh të bukur këtë finale të vogël.”,u shpreh tekniku Regragui.
