Qeveria e SHBA-së mirëpret vendimin në rastin kundër Salih Mustafa, rasti i parë në Dhomat e Specializuara të Kosovës që përfshin akuza për krime lufte, tha zëdhënësi i Departamentit të Shtetit Ned Price.
Siç theksoi ai në njoftim,“Mustafa, ish-komandant i njësisë guerile të BIA-s në kuadër të UÇK-së, u dënua për krime lufte për ndalim arbitrar, torturë dhe vrasje të kryera në vendin e paraburgimit dhe marrjes në pyetje të BIA-s në vitin 1999 dhe u dënua me 26 vjet burgu”, transmeton Front Online
“Siç theksoi trupi gjykues, vendimi nuk është aktgjykim kundër UÇK-së apo Kosovës, por i referohet vetëm përgjegjësisë penale individuale të të pandehurit. Ky vendim është një hap i fortë drejt ndihmës së Kosovës që të ruajë sundimin e ligjit dhe të sigurojë drejtësi për viktimat. Ne gjithashtu përgëzojmë guximin e viktimave dhe dëshmitarëve individualë që dolën përpara dhe dënojnë kërcënimet dhe frikësimet me të cilat u përballën. “Pa këta individë të guximshëm, drejtësia nuk do të ishte e mundur,” tha Price.
