Deputetja e PDK-së, Ganimete Musliu, ka reaguar ndaj ministrit të Punëve të Brendshme, Xhelal Sveçla, i cili po krenohet se si lokalet po e furnizojmë Policinë e Kosovës me ushqime, përcjell InLajmi.
Musliu tha se Qeveria Kurti krenohet me miratimin e buxhetit më të lartë për siguri ndërsa po veprohet e kundërta duke e trajtuar sigurinë e vendit përmes rrugëve të bamirësisë.
Ajo i’u është drejtuar ministrit Xhelal Sveçla dhe kryeministrit Kurti duke i quajtur ‘’dështaka’’ dhe ‘’shkatërrues’’ të institucioneve.
Policia e vendit duhet trajtuar me dinjitet duke siguruar paga, ushqim armatim dhe veshmbathje duke përfshirë këtu edhe zgjedhjen e drejtorit të policisë, tha Musliu.
Postimi i plotë i saj:
Në njëren anë krenohen qe kanë miratu buxhetin ma të lartë për siguri, në anën tjetër sigurinë e vendit e trajton përmes rrugëve të bamirësisë.
Xhelal Sveçla, Ministër i Brendshëm i qeverisë së Albin Kurtit për turpin e tij e tonin si shtet, po mburret që ushqimin për policinë në Veri po e siguron përmes rrugës së bamirësisë.
O dështaka o shkatërrues tëi institucioneve, policine e këtij vendi trajtojeni me dinjitet, siguroni paga, ushqim, armatim e veshmbathje.
Zgjedheni drejtorin e policisë e mos na tregoni se sa bujarë e fisnikë janë shqiptarët sepse e dijmë sikurse e dijmë që ti dhe shefi yt nuk keni as plan e as vullnet për ta qeverisur këtë vend./InLajmi/
