Twitter po bllokon përdoruesit nga postimi i “linqeve” të cilat çojnë tek serverët e Mostodon, një nga alternativat më të njohura të Twitter.
Ndalimi ishte miratuar dikur gjatë periudhës kaotike të së enjtes mbrëma, pasi që llogaritë e shumë gazetarëve dhe vet Mastodon u pezulluan papritmas.
Përpjekja për të postuar në Twitter shumë “linqe” të Mastodon do të rezultojë në një mesazh gabimi duke thënë: “Ne nuk mund ta plotësojmë këtë kërkesë sepse kjo lidhje është identifikuar nga Twitter ose partnerët tanë si potencialisht e dëmshme”.
Twitter aktualisht po bllokon lidhjet me serverin origjinal mastodon.social dhe më shumë se 10 domene të tjera të testuara nga The Verge.
Ndalimi i Mastodon pason rastin e fundit kontrovers në lidhje me ElonJet, një llogari e cila gjurmon vendndodhjen e aeroplanit privat të drejtorit ekzekutiv të Twitter, Elon Musk.
Gjatë së mërkurës, Twitter e pezulloi llogarinë e ElonJet në Twitter, dhe menjëherë ata i pezulluan edhe të gjitha llogaritë personale të personit i cili e menaxhonte llogarinë në fjalë.
Twitter gjithashtu prezantoi një politikë të re e cila i ndalon njerëzit nga shpërndarja e vendndodhjes të një personi tjetër.
Pastaj të enjten, llogaria e Mastodon në Twitter u pezullua, ndërsa nuk dihet saktësisht pse, por ndalimi ndodhi menjëherë pasi llogaria postoi një lidhje në faqen e ElonJet në Mastodon, shkruan Alsat M.
Twitter nuk u përgjigj në një kërkesë për koment, megjithëse ka shpërndarë stafin nga zyra e tyre e shtypit. Mastodon gjithashtu nuk i është përgjigjur një kërkese për koment.
