Ministrja e Ekonomisë, Artane Rizvanolli ka konfirmuar kërkesën e KOSTT-it për fonde shtesë për mbulimin e shpenzimeve në veri, duke thënë se që kjo situatë nuk mund të vazhdojë kështu në këtë kohë krize, raporton InLajmi.
“Po KOSTT-i ka bërë një kërkesë për fonde shtesë. Ne kemi punuar maksimalisht që nga niveli më i lartë në Bruksel e deri të institucionet tona që të plotësohen pikat e marrëveshjes për zgjidhje e këtij problemi”,deklaroi ajo.
Tutje ajo tha se kjo situatë nuk mund të vazhdohet kështu në këtë kohë krize, pasi sipas saj qytetarë duhet të paguajnë për shërbimet që ata marrin.
Rizvanolli shtoi se janë siguruar mbi 55 milionë euro grande për 2 projekte solare.
“Janë siguruar mbi 55 milionë euro grande për 2 projekte solare. Njëri projekt parasheh ndërtimin e parkut solar për 100 megavta në KEK. Tjetri projekt edhe po ashtu shumë inovativ. Ky projekt parasheh zgjerimin e rrjetit të Termokosit të 2 këto projekte janë të rëndësishme jo vetëm për ngrohje, por edhe për ambientin. Në Gjakovë e kemi inauguruar ngrohjen me biomasë ku kemi investuar gati 1 milion euro për biomasës. Gjatë javëve në vijim janë duke na pritur shumë të reja”, tha ajo. /InLajmi/
