Veterani i UÇK-së, Xhevdet Qeriqi në programin ka komentuar vendimin e Gjykatës Speciale për dënimin me 26 vite ndaj Salih Mustafës.
Ai ka thënë se kjo gjykatë është formuar mbi bazën e shpifjeve të raportit të Dick Marty-t.
“Ne e dimë se si është formuar kjo gjykatë mbi bazën e shpifjeve të raportit të Dick Martit, një gjykatë e njëanshme dhe krejtsisht politike, një gjykatë e cila ka pranuar se ka bashkëpunuar me Serbinë”, tha ai.
Sipas tij Salih Mustafa është duke u dënuar mbi bazën e provave të Serbisë.
Ai shton se vendimi i sotëm ndaj Mustafës është marrë nga bashkëpunimi i Gjykatës Speciale dhe Serbisë, tha ai për Gazeta 10.
Sipas Qeriqit është duke u bërë padrejtësi sepse janë qindra masakra që janë kryer në Kosovë dhe askush nga ndërkombëtarët nuk merret me ato raste.
