Nënkryetari i Kuvendit të Republikës së Kosovës Enver Hoxhaj, është shprehur i tronditur nga vendimi për dënimin me 26 vjet të Sali Mustafës, përcjell InLajmi.
Hoxhaj thotë se lufta e UÇK-së ka qenë e drejtë, e pastër dhe e pashmangshme për t’i dhënë fund pushtimit barabar serb.
Në fund, ai thekson se askush nuk mund ta rishkruajë historinë e Kosovës apo ta shembë themelin e lirisë sonë, e që është Ushtria Çlirimtare e Kosoves.
Postimi i plotë i tij:
Kur Serbia sot dhe çdo ditë po kërcënon ekzistencën e shtetit të Kosovës, sot jam tejet i tronditur nga vendimi drakonik i Gjykatës në Hagë për Salih Mustafën! Është e ditur botërisht që lufta e UÇK-së ka qenë e drejt, e pastër dhe e pashmangshme, duke i dhënë fund pushtimit barbar serb dhe për të mbrojtur popullin shqiptar në Kosovë nga gjenocidi serb! Askush nuk mund ta rishkruajë historinë e Kosovës. Askush nuk mund ta shembë themelin e lirisë sonë, që është Ushtria Çlirimtare e Kosovës!. /InLajmi/
