Pas aplikimit të Kosovës për anëtarësim në Bashkimin Evropian, Kryeministri në detyrë i Malit të Zi, Dritan Abazoviq uroi institucionet kosovare, përcjell InLajmi.
Abazoviq tha se ky akt historik për Kosovën fuqizon aspiratat e Ballkanit Perëndimorë për integrim në familjen e madhe evropiane.
Tutje ai shtoi se Republika e Kosovës do të ketë mbështetje të sinqertë dhe të plotë të Malit të Zi në rrugëtimin e saj drejt BE-së.
Postimi i plotë i tij:
I drejtoj urimet më të përzemërta Qeverisë së Republikës së Kosovës për aplikimin për anëtarësim në BE dhe arritjen e liberalizimit të vizave!
Ky akt historik për Kosovën fuqizon aspiratat e Ballkanit Perëndimorë për integrim në familjen e madhe evropiane. RK do të ketë mbështetje të sinqertë dhe të plotë të Malit të Zi në rrugëtimin e saj drejt BE-së! /InLajmi/
