Presidentja e Republikës së Kosovës, Vjosa Osmani në fjalimin e saj vjetor para deputetëve të Kuvendit ka folur ndër të tjera edhe për raportet veçanta të Kosovës me SHBA-në, raporton InLajmi.
Ajo tha se fjalia premtuese e presidentit amerikan Biden se SHBA-të asnjëherë nuk do të heqin dorë nga Kosova dëshmon më së miri se Amerika është aleat i përjetshëm i Republikës së Kosovës.
“Në bisedat që kisha me Presidentin Biden gjatë muajit shtator, ai përsëriti përkrahjen e madhe për vendin dhe popullin tonë, e cila më së miri përshkruhet në fjalët e tij: Asnjëherë nuk do t’ju lëmë vetëm! Kjo garancë amerikane, e përsëritur edhe këto ditë, dëshmon se Kosova nuk ka partner më të rëndësishëm sesa Shtetet e Bashkuara të Amerikës, prandaj këtë aleancë duhet ta trajtojmë si të shenjtë e ta ruajmë e ta kultivojmë përjetësisht” theksoi presidentja e vendit.
E para e shtetit theksoi se marëdhëniet me SHBA-të duhet t`i konsiderojmë të shenjta dhe t`i kultivojmë përjetësisht./InLajmi/
