Mes reagimeve negative për ndërhyrjen e përmbajtjes algoritmike dhe të rekomanduar në burimin e Instagramit, platforma të enjten prezantoi një sërë veçorish të reja të krijuara për ta bërë më të lehtë për përdoruesit që të bisedojnë me miqtë e tyre të botës reale.
Kompania tani po nxjerr disa ndryshime të rëndësishme, duke përfshirë më së shumti një shtesë të quajtur “Notes” – një veçori që Meta kishte konsideruar të kthehej në një konkurrent në Twitter, sipas një raporti të fundit
Me “Notes”, përdoruesit mund të përditësojnë miqtë e tyre duke përdorur vetëm tekst dhe emoji, duke shtuar një format të ndryshëm për përditësimet sociale përtej imazheve dhe videove për të cilat Instagram është më i njohur.
Nga të gjitha veçoritë e reja, “Notes” në Instagram janë ndoshta më interesantet pasi shtojnë një mënyrë për të komunikuar publikisht me të tjerët, duke përdorur vetëm tekst.
Në Instagram, përdoruesit mund të lënë shënime duke shkuar në krye të mesazheve private. Shënimi do të shfaqet në krye të mesazheve për 24 orë dhe përgjigjet do të vijnë si DM.
Instagram tha se gjatë testimit zbuloi se njerëzit vlerësonin të kishin një mënyrë për të filluar bisedat në një mënyrë të lehtëm shkruan Gazeta Sot.
Ndërkohë, u raportua javën e kaluar se si Meta po konsideronte ta kthente Instagram Notes, i cili ka qenë në testim për shumë muaj, në një rival më të plotë të Tëitter për të përfituar nga kaosi në Twitter pas blerjes së Elon Musk.
