Ish-ambasadori, Lulzim Peci tha se serbët e Kosovës janë në pozitën më të vështirë të mundshmë, për shkak të bandave kriminale që po i maltretojnë, përcjell InLajmi.
Peci deklaroi se këta kriminelë i maltretojnë serbët e veriut të Kosovës dhe po i ndalojnë t`i marrin shërbimet mjekësore edhe personat që janë të sëmurë.
E sipas tij, për mbrojtjen e serbëve të veriut të Kosovës kanë dështuar edhe Qeveria e Kosovës, por edhe Bashkimi Ndërkombëtar.
Postimi i plotë i tij pa ndërhyrje:
Ne poziten me te veshtire ne veri te Kosoves eshte popullata serbe, dhe ate nga kombinimi i krriminelave me maska dhe barrikadave. Keta kriminele, jo vetem qe rrahin dhe maltretojne individe te komunitetit serb, por edhe shkojne aq larg sa qe personave te semure ju pamundesojne marrjen e ndihmes mjeksore.
Rrahja e djeshme e te riut te komunitetit serb nga keta kriminele, i cili nenen e vet qe kishte pesuar sulm ne zemer deshironte ta dergoj ne spitalin e Mitrovices tregon nivelin e gjendjes e renduar te kesaj popullate te shkaktuar nga ngjarjet e fundit ne veri te Kosoves.
Ne mbrojtjen e kesaj popullate prej “mbrojtjes” se Vuciqit eshte duke deshtuar si Qeveria e Kosoves, ashtu edhe prezenca nderkombetare ne kete pjese te vendit.
Ky rast duhet te jete zile e alarmit se kjo gjendje nuk mund te vazhdoj, pike se pari per arsye humanitare dhe te sigurise njerezore.
Shpresoj se gjate diteve ne vijim do te largohen barrikadat dhe te filloj normalizimi i jetes per qytetaret e Kosoves ne kete pjese te vendit./InLajmi/
