Në emisionin “Politiko”, kryetari i Gjakovës, Ardian Gjini ka folur rreth tensioneve të krijuar në vend si dhe marrëdhënieve me shtetet aleate.
Ndërkohë që komentatori Blerim Gashi i është drejtuar nënkryetarit të AAK-së duke i thënë se Qeveria Kurti ndryshe nga tjerat nuk është se nuk i ka dëgjuar partnerët ndërkombëtare por ju ka thënë se edhe “ne kemi mendimin tonë”.
Por lidhur me këtë ka reaguar Gjini duke i thënë se të gjitha qeveritë e kanë bërë këtë por nuk e kanë pruar punën që Kosova të paguaj kosto për këtë.
“Të gjitha qeveritë e Kosovës edhe pse nuk kam qenë pjesë e të gjithave, e di saktë si me qenë aty, në takime qoftë më shtetet anëtare te Unionit Evropian apo SHBA, këta që po e thua ti e kanë bërë gjithmonë, por nuk e kanë pru punën me dal në media dhe nuk e kanë pru punën me pas kosto. Që po ta tregoj, a u shty çështja e targave, a kemi barrikada në veri, po, a kemi institucionet jashtë të mbyllura. Sikur të ishin pajtuar për atë 10 muajshin në fillim, kurrë një nga këto ngjarje nuk do të kishin ndodh. Prapë kemi përfunduar duke e shty implemetimin e marrëveshjes për targa. A është duke paguar kosto Serbia se çfarë është duke ndodhur tek ne? Kemi përfunduar duke bërë atë çfarë na kanë thënë por ja kemi shtuar vetës edhe nja 5 probleme.”, ka deklaruar Gjini, shkruan Gazeta 10.
Tutje Gjini ka folur edhe për taksën e vendosur në kohën e kryeministrit Haradinaj, duke thënë se nga kjo nuk ka paguar asnjë kosto shteti i Kosovës por vetë Haradinaj.
