Deputetja e Kuvendit të Kosovës nga radhët e PDK-së Ganimete Musliu këtë të enjte i reagoi fort ashpër presidentes Osmani duke e cilësuar si përçarëse dhe urrejtëse deri në palcë, përcjell InLajmi.
Mirëpo kjo deklaratë duket se nuk i pëlqeu Ministrit të Bujqësisë, Faton Pecit pjesë e Listës “Guxo”, i cili tha se Musliu dhe PDK-ja janë “majmur duke e shfrytëzuar Kosovën si plaçkë lufte”.
Sipas Pecit diskursi i deputetes është diskurs i partisë, në fakt, theksoi Peci se prej shprehjes ‘ma hangsh…’, e deri te fyerjet e natyrave të tjera, janë bërë pjesë e “gjuhës parlamentare”, nga ajo dhe bashkë partiakët e saj.
Tutje, Peci ka thënë se gjuha e përdorur nga Musliu drejtuar Osmanit “është veç shpërfaqje e Ganës së vërtetë”
dhe e lidhi fjalimin e tij me thënien e , ish-sekretares Albright e cila ka thënë se: “Ka një vend të veçantë në ferr për gratë që nuk i mbështesin gratë!”
Postimi i plotë i tij:
Gane, kilogramë për kilogramë, ti dhe partia jote jeni majmur duke e shfrytëzua Kosovën si plaçkë lufte. Milionat që keni ba ju nuk peshojnë me kg, por me okë. Keni hy në pushtet me panla e keni dalë milionerë. Keni hy të lodhtë e keni dalë të fuqishëm në mënyrë të frikshme. Kur keni hy as biçikleta nuk keni pasë, sot voziteni me marka veturash nga trendet që shihen në TV.
Ky diskursi yt është diskurs i partisë, në fakt. Prej shprehjes “ma hangsh…”, e deri te fymjet të natyrave të tjera, janë bërë pjesë e “gjuhës parlamentare”, nga ti dhe bashkëpartiakët.
Bullizmi që ti e përdorë në raport me Presidenten e vendit është veç shpërfaqje e Ganes së vërtetë. Ti je kjo realja konform gjuhës që e përdorë. Ti vetë ke qenë viktimë e këtij diskursi, ndaj Gane e dashur, përmbahu, sepse i fyeri të fyen!
Për fund, po ta sjell në vëmendjen tuaj një thënie të mikes së madhe të Kosovës, ish-sekretares Albright: Ka një vend të veçantë në ferr për gratë që nuk i mbështesin gratë! /InLajmi/
