Deputetja e listës Guxo, Jeta Statovci ka reaguar ndaj ngjarjeve të sotme në Kuvend, veçmas ndaj deklaratës së Ganimete Musliut ndaj presidentes Vjosa Osmani, përcjell InLajmi.
Ajo tha se mendimet si ai i deputetës së PDK-së, Ganimete Musliut i ka dërguar në opozitë si parti politike.
Statovci theksoi se Kosova më nuk e sakrifikon ndërgjegjën e saj për hesape personale të askujt dhe nuk do e shet më shtetin për pushtetin.
Deputetja Statovci deklaroi se presidentja Osmani po ua zbardhë fytyrën edhe atyre që e shajnë e fyejnë.
Postimi i plotë i saj pa ndërhyrje:
Struktura e mendimit të deputetes Musliu, e shprehur sot si kinse reagim ndaj fjalimit të presidentes, nga ana socio kulturore tipizon mjaft mirë rrënjën e mendimit, sjelljes e veprimeve që kanë ndodhur në të kaluarën në pushtet e që qytetari i vendit, u tregoi vendin me votën e 14 shkurtit.
Ajo çfarë dëgjuam nga reagimet kundërshtuese, ku varfëria për të ndërtuar argumente kontestuese për fjalimin e presidentes Osmani, ishte asgjë më pak se sa shfaqje, për të satën herë, e një niveli jashtë çdo standardi etik, profesional e kulturor, mbi të gjitha.
Presidentja Osmani, sot, në Kuvend, tha asgjë më shumë se një të vërtetë të njohur. Kosova më nuk e sakrifikon ndërgjegjën e saj për hesape personale të askujt. Kosova nuk do e shet më shtetin për pushtetin.
Presidentja po ta zbardhë ftyrën edhe ty, pavarësisht fymjeve që i drejton ndaj saj./InLajmi/
