Drejtori i Zyrës për Kosovë të Qeverisë së Republikës së Serbisë dhe anëtar i Kryesisë së Partisë Përparimtare Serbe, Petar Petkoviq tha se kryeministri i Kosovës, Albin Kurti është i gatshëm të bëjë gjithçka për t`i sulmuar serbët, përcjell InLajmi.
Petkoviq shtoi se ish-policit të arrestuar në Kosovë, Dejan Pantiq, i janë mohuar të drejtat themelore, si ajo e shërbimit mjekësor, meqë thuhet se ai vuan nga një sëmundje e zemrës, si dhe komunikimi apo takimi me familjen e tij.
Anëtar i Kryesisë së Partisë Përparimtare Serbe potencoi se Kurti po i shkel ligjet për të drejtat themelore të një të arrestuari, sepse është i gatshëm të shkelë mbi gjithçka kur e ka në qëllim për t`i sulmuar serbët.
Postimi i plotë i tij:
Ditën e pestë që Dejan Pantiq ishte i burgosur në bazën e Ppolicisë së Kosovës dhe familja e tij nuk e panë dhe as një minutë nuk komunikuan me të.
Evropë, kur do të mund të flasë dhe të shohë familjen e tij, që është një nga të drejtat themelore të njeriut? Ai është i sëmurë nga zemra!
Me trajtimin çnjerëzor dhe mohimin e të drejtave elementare ndaj Dejan Pantiqit, Kurti shkel edhe ligjet e tij të cilat thonë se i burgosuri duhet të ketë të drejtën e kujdesit mjekësor, kontaktit me familjen dhe avokatin: nenet 166-169 të të ashtuquajturit Kodi Penal. Procedura e të ashtuquajturës Kosovë!
Është e qartë se Kurti është i gatshëm të bëjë gjithçka, qoftë edhe të shkelë rregullat e veta kur të dojë të sulmojë serbët!/InLajmi/
