Seriali dokumentar i Netflix për Princin Harry dhe gruan e tij Meghan grumbulloi më shumë shikime në shërbimin e transmetimit se çdo dokumentar tjetër gjatë javës së parë, tha kompania të marten.
3 episodet e para të “Harry & Meghan” regjistruan 81.55 milionë shikime pas debutimit të tij të enjten e kaluar, tha Netflix në një deklaratë. Më shumë se 28 milionë familje shikuan të paktën një pjesë të serialit.
“Harry & Meghan” ishte seriali i 2-të më i ndjekur në gjuhën angleze në Netflix në nivel global midis 5 dhe 11 dhjetor, pas dramës Addams Family “Wednesday”. “Harry & Meghan” ishte seriali numër një në gjuhën angleze gjatë javës në Britani, shkruan Kult Plus.
Në 3 episodet e para, Duka dhe Dukesha e Sussex bënë një sërë zbulimesh, me Meghan duke kujtuar kërcënimin e saj të parë me vdekje dhe Harry duke folur për veshjen e maskave në takimet e tyre.
