Deputeti ukrainas, njëherësh anëtar i Asamblesë Parlamentare të Këshillit të Evropës, Oleksiy Goncharenko, ka njoftuar të mërkurën se ka nisur një peticion që Ukraina ta njohë pavarësinë e Kosovës, përcjell InLajmi.
Siç ka bërë të ditur Goncharenko, nëse peticioni merr 25.000 nënshkrime, presidenti Zelensky duhet patjetër t’i përgjigjet.
Goncharenko në gusht pati dorëzuar një rezolutë në Parlamentin e vendit të tij për ta njohur Kosovën, kurse në fund të tetorit, ai e vizitoi Kosovën.
Deputeti ukrainas Goncharenko tha se Ukraina duhet të njohë Kosovën si shtet tani.
Ndryshe, kujtojmë se Kosova është rreshtuar krahë vendeve perëndimore në dënim të pushtimit rus të Ukrainës, duke e mbështetur Ukrainën e duke strehuar edhe ukrainas në Kosovë.
Postimi i plotë i tij:
I bëra një peticion Presidentit të Ukrainës me një kërkesë për njohjen e pavarësisë së Kosovës.
Nëse peticioni mbledh 25.000 nënshkrime, presidenti duhet t’i përgjigjet.
Ukraina duhet ta mbështesë Kosovën tani./InLajmi/
https://twitter.com/GoncharenkoUa/status/1602964687855013888
