Ministri për Komunitete dhe Kthim, Nenad Rashiq tha se u bë pjesë e Qeverisë së Kosovës për të ndërtuar ura, sepsa ka 17 vite përvojë në këtë drejtim, raporton InLajmi.
Ai kërkoi nga zyrtarët qeveritarë të kenë durime me të, sepse, sipas tij, do të zhvillojë takime me secilin veç e veç, duke filluar me Ministrin për Financa, Punë dhe Transfere, Hekuran Muratin.
“Para një jave unë kam hyrë në qeveri, unë do t’i lusja të gjithë që të kenë durim ndaj meje kur të kërkoj takime me të gjithë ju. Më vjen mirë dhe kam nderin të jem këtu, konsideroj që në thelb mund të bëjmë dallim nga ajo se çfarë është bërë deri tani. Në këto takime, i pari do të jetë ministri Murati. Jam këtu që të bëjmë ura, nuk jam i ri në këtë punë, 17 vjet përvojë flasin diçka. Por çdo sfidë e re është shans i ri. Unë jam i gatshëm të ndihmoj dhe kontribuoj vetë personalisht”, tha ai.
Kjo është hera e parë që ministri Rashiq merr pjesë në mbledhjen e Qeverisë së Kosovës që pas emërimit të tij në krye të Ministrisë për Komunitete dhe Kthim./InLajmi/
