Një grua 90-vjeçare më në fund do të marrë diplomën e saj, 71 vjet pasi u regjistrua për herë të parë në kolegj. Joyce DeFauw, dikur Joyce Viola Kane, filloi vitin e parë në Northern Illinois University në vitin 1951 për t’u diplomuar në ekonominë shtëpiake studimi mbi kujdesin dhe menaxhimin e familjes.
Por këto plane ndryshuan kur Joyce takoi një burrë të veçantë në kishë që i vodhi zemrën, tha ajo.
“Shkova në shkollë për 3 vjet e gjysmë, por vendosa të largohem pasi e takova,” tha ajo. Burri i veçantë ishte Don Freeman Sr. Të 2 u martuan në vitin 1955 dhe patën 3 fëmijë së bashku përpara se Freeman të ndërronte jetë. DeFauw u martua me burrin e saj të 2-të të ndjerë, Roy DeFauw, tha ajo për CNN.
Së bashku ata patën 6 fëmijë, duke përfshirë 2 grupe binjakësh.
Gjatë gjithë viteve, familja e saj u rrit dhe ajo tani ka 17 nipër e mbesa dhe 24 stërnipër. Në 2019, Joyce shfaqi interes për arsimin universitar që la pas. Në vend që të shkonte në kampus për të ndjekur mësimin, ajo e bëri këtë pas një ekrani kompjuteri nga shtëpia e të moshuarve.
“Ishte kompjuteri im i parë fëmijët e mi duhej të më mësonin se si ta përdorja atë.” tha ajo transmeton Gazeta Express
Tani, 3 vjet më vonë, ajo mori një diplomë Bachelor të Studimeve të Përgjithshme nga universiteti.
Joyce është mirënjohëse që pati mundësinë të kthehej në shkollë dhe të merrte diplomën e saj.
“Është mirë të përfundoni diçka që keni filluar,” tha ajo. Këshilla e saj për ata që mund të jenë në një situatë të ngjashme: “Mos u dorëzoni. E di që mund të jetë e vështirë, por çdo gjë në jetë ka uljet dhe ngritjet e veta.”
