Kreu i Aleancës për Ardhmërinë e Kosovës Ramush Haradinaj, ka takuar emisarin e SHBA-së për dialogun Kosovë-Serbi, Gabriel Escobar dhe ambasadorin Jeff Hovenier, për të diskutuar për zhvillimet në veri të vendit, përcjell InLajmi.
Në këtë takim u diskutua për heqjen e barrikadave dhe kthimin e normalitetit në veri të vendit.
Sipas Haradinaj, angazhimi serioz i SHBA-së do ta shpëtojë situatën dhe do të kthejë vendin në marrëveshjen finale me Serbinë.
Postimi i plotë i tij:
Sapo përfundova takimin me z. Escobar dhe ambasadorin Hovenier. Mund t’ju them se janë mjaft të fokusuar në zhvillimet në vend, posaçërisht në Veri, me kërkesën eksplicite që të ulen tensionet, të hiqen barrikadat dhe të kthehet normaliteti në atë pjesë të vendit.
Besoj se ky angazhim serioz 🇺🇸 do ta shpëtojë situatën dhe do të na kthejë te marrëveshja finale për njohje Kosovë- Serbi.
Në emër të AAK-së, shpreha falënderimin për ndihmën jetike që po jep 🇺🇸! /InLajmi/
