Kryeministrja e Zelandës së Re Jacinda Ardern, e gjendur nën presion, ka humbur për një moment kontrollin në parlament dhe ka ofenduar rëndë një lider të një partie opozitare në vend.
Ardern është dëgjuar teksa përdor një fjalor aspak etik për postin që mban, ndaj politikanit Dejvid Simor.
Fyerja e kryeministres u dëgjua teksa mikrofoni i saj ishte ende ndezur pasi iu përgjigj një pyetjeje në parlament. Megjithatë nuk ka vonuar edhe një kërkesë falje nga kryeminstrja.
“Jacinda Ardern më dërgoi një mesazh dhe më tha, kërkoj falje, nuk është diçka që duhet ta kisha thënë dhe ajo tha, siç do të thoshte mamaja ime, nëse nuk ke ndonjë gjë të mirë për të thënë, më mirë mos e thuaj”, u shpreh David, përcjell TV Klan.
Mbështetja publike për kryeministren e Zelandës së Re ka rënë shumë në muajt e fundit ndërsa shkalla e vlerësimit për të është në nivelet më të ulëta që nga koha kur ajo mori detyrën në vitin 2017.
