Mbrëmjen e së shtunës Anglia luajti kundër Francës për të sigurar kalimin në gjysmëfinale të botërorit “Katar 2022”, shkruan InLajmi.
Ndonësë mijëra shikues e tifozë të kombëtarës së Anglisë menduan se Anglia do ta fitonte këtë ndeshje, në fakt Franca doli më e “zonja”, duke e mposhtur keshtu Anglinë me rezultat 2:1.
Edhe pse kombëtares angleze ju ofrua mundësi për të shënuar në 2 penallti, e para penallti e ekzekutuar nga Kane, e 2-ta rezultoi e pasuksesshme.
Franca kaloi në gjysmëfinale me rezultat minimal, por lojtarët anglezë dukeshin mjaft të dëshpëruar nga kjo humbje.
Përkundër lojtarëve anglezë, trajneri i kësaj kombëtare nuk dukej edhe aq i merzitur. Madje në një prononcim për media pas përfundimit të ndeshjes ai deklaroi se këto turne marrin shumë nga secili dhe duhet kohë për të reflektuar në vendimet që do të marrin tutje.
“Këto turne marrin shumë nga ju dhe më duhet pak kohë për të reflektuar. Mendoj se kjo është gjëja e duhur për të bërë. Ka nevojë për pak kohë për t’u siguruar që të gjithë të marrin vendimin e duhur” deklaroi Southgate.
Në gjysmëfinale kombëtarja e Francës do të ballafaqohet me Marokun, i cili në këtë botëror ka treguar profesionalizëm dhe duket mjaft mirë i përgaditur./InLajmi/
