Reshjet e së shtunës mbrëma kanë shkaktuar vërshime në qytetin e Pejës, edhe pse kjo ishte e pritshme dhe Instituti Hidrometeorologjik i Kosovës kishte paralajmëruar për një gjë të tillë.
Reshjet e shiut kanë shkaktuar sërish vërshime në Pejë.
Nga shiu që ka rënë të shtunën është vërshuar lagjja Fidanishtja, qendra qytetit, afër QKMF-së dhe pjesë të tjera.
Se do të ketë vërshime, e kishte paralajmëruar Instituti Hidrometeorologjik i Kosovës, raporton Gazeta Sinjali.
“Reshje shiu me intensitet të mesëm deri në të lartë me një probabilitet të lartë për paraqitje të përmbytjeve (vërshime të shpejta) dhe rrëshqitje të dheut. Rajoni(et): Pejë, Gjakovë. Mundësia për të tejkaluar pragun 5 vjeçar të periudhës së kthimit të përmbytjeve 70 % dhe atë 20 vjeçare 30 %”, ka njoftuar IHMK, para 2 ditësh.
