Deputeti i LVV-së, Bujar Dugolli pas situatës së trazuar në veri tha se Serbia me veprimet e saj po na tregon se po përgaditet për ta vazhduar historinë aty ky e ka lënë “kasapi” i Ballkanit, Slobodan Millosheviq, përcjell InLajmi.
Dugolli theksoi se në veri të vendit nuk ka dhe nuk mund të ketë palë dhe se veprimet e lighshme të shtetit të Kosovës nuk janë të drejtuara kundër qytetarëve të asnjë etnie, por janë në mbrojtje të pakicave në Kosovë kundër bandave kriminale të mbështetura nga Serbia.
Ai theksoi se do duhej urgjent të dënoheshin veprimet provokuese të Serbisë kundër shtetit të Kosovës, para se të bëhet vonë.
Deputeti Dugolli potencoi se kjo është e njëjta Serbi që ka shkaktuar 3 luftëra të përgjakshme në Ballkan dhe vazhdimi i kësaj mendësia po na dëshmon se janë duke e vazhduar rrugën e Millosheviqit.
Postimi i plotë i tij pa ndërhyrje:
Në situatën e krijuar në veri të vendit nuk ka dhe nuk mund të ketë palë.
Veprimet e ligjshme të shtetit të Kosovës nuk janë të drejtuara kundër qytetarëve të asnjë etnie. Përkundrazi, ato janë dhe do vazhdojnë të jenë në mbrojtje të tyre dhe gjithmonë e kurdoherë kundër bandave kriminale të mbështetura nga Serbia.
Inkurajimi i Policisë së Kosovës për zbatimin e ligjit dhe dënimi i ashpër kundër bandave kriminale duhet të jenë krye tituj të çdolloj reagimi qëllim mirë.
Deklarimet e zbutura, deklarimet e vonuara apo për më keq mos deklarimet, inkurajojnë grupet dhe bandat kriminale.
Në vend që të na lartësohet ish ngrehina e Jugosllavisë si “planet i lirisë”, do duhej urgjent të dënoheshin veprimet provokuese të Serbisë kundër shtetit të Kosovës, para se të bëhet vonë.
Kurr nuk duhet harruar që ishte pikërisht kjo serbi e cila shkaktoj 3 lufta të përgjakshme gjenocidale kundër popujve në ballkan. Për më keq, mosdistancimi nga e kaluara dhe mos kërkim falja por vazhdimi i mendësisë hegjononiste serbe ndaj Kosovës (natyrisht me mbështetje Ruse), na dëshmon se Serbia po përgatitet që të vazhdon aty ku e la kasapi i Ballkanit Millosheviç./InLajmi/
