Anëtari i PDK-së, Betim Gjoshi ka kritikuar kryeministrin e Kosovës, Albin Kurtin, për sjelljet e tij sa ky i fundit ishte pjesë e opozitës krahasuar me sjelljet e tanishme që po i viziton policët edhe nëpër spitale, përcjell InLajmi.
Gjoshi kujtoi disa fraza që Kurti i kishte përdorur kundrejt disa pjestarëve të Policisë së Kosovës dhe theksoi se një qasje e tillë ndaj një polici nuk është sjellje e mirë.
Tutje, ai shtoi se edhe Ministri i Punëve të Brendshme dikur ka qenë i ashpër me policët kosovar, duke i sulmuar me kubëza betoni.
Në fund, Gjoshi shtoi se është krenar me Policinë e Kosovës.
Postimi i plotë i tij pa ndërhyrje:
- A ju kujtohet Albin Kurti kur i bërtiste policit të Kosovës “o majmun, pse nuk po shkon në veri”?
O Albin, a po e sheh që nuk është mirë t’i drejtohesh policit të shtetit tënd “o majmun”?
- A ju kujtohet Xhelal Sveçla kur i gjuante policët e Kosovës me kubëza betoni?
O Xhelal, a po e sheh që nuk është mirë kur je në opozitë t’i sulmosh policët e shtetit tënd, por duhet t’i respektosh pavarësisht politikës?
#Krenar_me_Policinë_e_Kosovës
#Zoti_ibekoftë/InLajmi/
