Ambasadorja amerikane në Tiranë, Yuri Kim shprehet se SHBA do të vazhdojnë të intensifikojë përpjekjet për t’u përballur me korrupsionin dhe për t’iu kërkuar llogari aktorëve të korruptuar.
“Shtetet e Bashkuara vazhdojnë të intensifikojnë përpjekjet tona për të luftuar korrupsionin dhe për të kërkuar llogari nga aktorët e korruptuar. Pse? Sepse ne duam ta shohim Shqipërinë – mikun tonë dhe aleatin e NATO-s – të bëhet më e fortë dhe më e pasur. Korrupsioni paraqet një cenueshmëri të sigurisë kombëtare, kufizon dhe shtrembëron investimet dhe minon demokracinë”, thotë Kim
Ndërkohë në një shkrim të gjatë në faqen e ambasadës amerikane, ajo shprehet se do të vijojnë me shpalljet non grata, përcjell Euro news Albania
“Shtetet e Bashkuara e mbështesin luftën kundër korrupsionit me veprime të qarta. Ne financojmë reforma në drejtësi, përfshi me BE-në dhe partnerë të tjerë. Mbështesim median investigative dhe organizatat e shoqërisë civile që luftojnë korrupsionin. Përdorim shpalljet non grata dhe sanksionet ndaj aktorëve të korruptuar dhe do të vazhdojmë ta bëjmë këtë”, shprehet ajo.
