Presidentja e Kosovës, Vjosa Osmani, të shtunën pas takimit me krerët e partive politike ka bërë të ditur se zgjedhjet në komunat veriore të vendit shtyhen për muajin prill të vitit tjetër, raporton InLajmi.
“Shtyhen për muajin prill, kurse data e saktë sonte më së largu nesër në mëngjes do t’io tregohet publikut”, deklaroi ajo.
Osmani shtoi se kishte dakordim të plotë për shtyrjen e zgjedhjeve në veri, duke falënderuar të gjithë përfaqësuesit e partive për sjelljen e përgjegjshme. Tutje e para e shtetit ka arsyetuar këtë vendim duke thënë se jeta e qytetarëve është më e shenjët.
Ajo ka theksuar se shtyrja e zgjedhjeve nuk rezulton në shkelje të të drejtave zgjedhore të qytetarëve dhe se i gjithë ky proces është në përputhje të plotë me kriteret e Komisionit të Venecias. /InLajmi/
