Për mediat argjentinase, Lautaro Martinez foli për momentin në të cilin mori vendimin për të marrë përsipër penalltinë e fundit, ku realizimi i saj e çoi Argjentinën në gjysmëfinale kundër Kroacisë.
“Nuk më takonte mua, por i thashë trajnerit që doja të gjuaja dhe më dhanë penalltinë e 5-të. Jam i lumtur sepse mora përsipër penalltinë përfundimtare dhe më ndihmoi të shkoja në gjysmëfinale, gjë që e donim me patjetër”.
Futbollisti tha se këtë sukses ia kushton familjes dhe kombit argjentinas, transmeton Abc.News.al.
Këtë ia kushtoj familjes sime në tribunë, gruas time, prindërve të mi, vëllezërve dhe të gjithë kombit argjentinas”, është shprehur “El Toro”.
