Policia e Kosovës gjatë patrullimit në fshatin Serbovc në Komunën e Zveçanit është sulmuar nga persona të armatosur, përcjell InLajmi.
Si pasojë e incidentit, një pjesëtar i Policisë së Kosovës është lënduar, i cili më pas është dërguar në Qendrën Kryesore të Mjekësisë Familjare.
Gjithashtu janë shkaktuar edhe dëme të konsiderueshme materiale në veturën e policisë.
Postimi i plotë nga Policia e Kosovës:
Sot me datë 08.12.2022, rreth orës 23:00, në fshatin Serbovc, Komuna e Zveçanit, Njësitet policore deri sa kanë qenë në detyra të rregullta, në patrullim, janë sulmuar nga persona të armatosur me armë të gjata, nga një automjet i tipit Audi, ngjyrë hiri, me targa KM.
Si pasojë e incidentit, një pjesëtarë i Policisë së Kosovës është lënduar lehtë dhe janë shkaktuar dëme të konsiderueshme materiale në veturën e policisë.
Njësitet relevante policore kanë dalë në vendngjarje, për të kryer hetimet, kurse zyrtari policor i lënduar është transportuar në QKMF për ofrimin e ndihmës mjekësore. /InLajmi/
