Presidentja e Republikës së Kosovës, Vjosa Osmani ka reaguar pas kërcënimit të hapur nga Serbia me agresion policor e ushtarak ndaj Kosovës, ndërsa është shprehur se kjo dëshmon se në shtetin serb ende dominon mendësia hegjemoniste, përcjell InLajmi.
E para e vendit është shprehur se kësaj mendësie hegjemoniste të Serbisë duhet të kundërshtohet nga e gjithë bota demokratike e cila edhe i dha goditjen e fuqishme kësaj mendësie më 1999.
Ndryshe, presidentja Osmani sulmin ndaj policit nga strukturat serbe është akt kriminal dhe sulmi ndaj gazetares lirisht mund të quhen cenim i të drejtës për informim të lirë.
E para e shtetit kërkon nga institucionet relevante të që të veprojnë menjëherë në zbardhjen e sulmit ndaj policit.
Postimi i plotë i saj:
Kërcënimi i hapur për agresion policor e ushtarak nga ana e Serbisë dëshmon se në atë shtet vazhdon mendësia hegjemoniste. Kjo duhet të refuzohet e kundërshtohet qartë nga e gjithë bota demokratike, e cila i dha goditjen më të fuqishme kësaj mendësie pikërisht në vitin 1999.
Plagosja e mbrëmshme e një pjesëtari të Policisë së Kosovës është veprim kriminal dhe i orientuar kundër rendit kushtetues e sovranitetit të Kosovës si dhe kundër veprimeve për sundim të rendit e ligjit. Gjithashtu, sulmet ndaj gazetarëve përbëjnë cenim flagrant të të drejtës për informim të lirë.
Autorët e këtyre krimeve, urgjentisht të sillen para drejtësisë, ndërkaq institucionet e drejtësisë duhet të veprojnë menjëherë.
Në territorin e Republikës së Kosovës kurrë më nuk do të ketë policë dhe ushtarë të Serbisë! Ëndrra hegjemoniste e Serbisë nuk do të jetësohet kurrë!/InLajmi/
