Ministri për Kthim dhe Komunitete në Qeverinë Kurti, Nenad Rashiq, ka folur në lidhje me kërcënimet e shtetit serb për dërgimin e 1000 trupave në Kosovë, transmeton InLajmi.
Por, këtij kërcënimi i është kundërpërgjigjur ministri Rashiq i cili i kujton Serbisë se në veri përgjegjëse për siguri është KFOR-i.
Mbi të gjitha Rashiq tha se është i bindur që KFOR nuk e mendon për asnjë moment që në Kosovë duhet të ketë forca serbe.
“Sa mbaj mend unë sipas Rezolutes 1244 Serbia në Kosovë mund të dërgoi 1000 forca te sigurisë, vetëm me miratim dhe koordinim të KFOR-it, në këtë rast jam i sigurt së KFOR nuk e mendon këtë opsion”, tha Rashiq në një intervistë për Danas.
Kështu ka thënë Rashiq pasi drejtori i Zyrës për Kosovë në Serbi, Petar Petkoviq i cili ka deklaruar se pas ngjarjeve të fundit në veri Serbia do shqyrtoi mundësinë e dërgimit të 1000 pjesëtarë të sigurisë në Kosovë./InLajmi/
