Duka i Sussex ka përshkruar se si ai sakrifikoi “gjithçka që di” për t’u bashkuar me Meghan “në botën e saj”, në dokumentarin e ri të tij dhe të dukeshës në Netflix, transmeton InLajmi.
Princi Harry tha se Meghan “sakrifikoi gjithçka që dinte ndonjëherë, lirinë që kishte, për t’u bashkuar me mua në botën time” dhe më pas ai bëri të njëjtën gjë për të.
3 episodet e para të serialit 6 pjesësh të titulluar “Harry & Meghan” u publikuan të enjten.
Çifti flasin për jetën në familjen mbretërore, ndërhyrjen në shtyp dhe racizmin.
Buckingham Palace ende nuk i është përgjigjur pretendimeve në dokumentar dhe Netflix thotë se anëtarët e Familjes Mbretërore refuzuan të komentojnë brenda serialit.
Gjatë episodit të parë njëorësh i cili përfshin një intervistë ulur me çiftin si dhe pjesë nga një video ditar Harry dëgjohet duke thënë:
“Kjo ka të bëjë me detyrën dhe shërbimin, dhe ndihem sikur jam pjesë e kësaj familjeje, është detyra ime të zbuloj këtë shfrytëzim dhe ryshfet që ndodh brenda mediave tona” shkruan BBC.
“Detyra ime është të ruaj familjen time të sigurt. Por natyra e të qenit i lindur në këtë pozicion dhe niveli i urrejtjes që po ngjallet në 3 vitet e fundit veçanërisht kundër gruas dhe djalit tim, unë jam në përgjithësi i shqetësuar për sigurinë e familjes sime” tha Harry.
Filmi i dukës dhe dukeshës së Sussex-it është kryekëput i bazuar në përjetimet e tyre si çift, që nga hyrja e Meghan në familjen mbretërore./InLajmi/
