Deputeti i Vetëvendosjes, Enver Dugolli tha se kthimi i trupave serbe në Kosovë nuk ka për të ndodhur kurrë, përcjell InLajmi.
Dugolli shtoi se çdo tentativë për cenimin e sovranitetit dhe integritetit territorial të Republikës së Kosovës do merr përgjigjen e duhur, njëjtë siç e pati marrë Serbia në luftën e fundit në Kosovë, nga UÇK-ja dhe NATO.
Ai theksoi se kërcënimi i Serbisë për rikthimin e ushtrisë dhe policisë serbe në Kosovë është vazhdimësi e pretendimeve territoriale të Serbisë ndaj Kosovës.
Postimi i plotë i tij:
Kërcënimi i Serbisë për gjoja kthimin e ushtrisë e policisë së tyre në Republikën e Kosovës është vazhdimësi e shfaqjes së pretendimeve territoriale të Serbisë ndaj shtetit tonë.
Kthimi i trupave serbe në Kosovë nuk ka për të ndodhë KURRË!
Çdo tentativë për cenimin e sovranitetit dhe integritetit territorial të Republikës së Kosovës do merr përgjigjen e duhur, ashtu siç pati marr në vitet 1998/99 nga Ushtria Çlirimtare e Kosovës dhe NATO./InLajmi/
