Në dëgjimin publik për Projektligjin për Liritë Fetare, ambasadori amerikan Jeffrey M. Hovenier tha se ushtrimi i lirë i fesë është e drejtë e besimit individual, raporton InLajmi.
Hovenier shtoi se për këtë temë më shumë mund të flasin përfaqësuesit e bashkësive fetare, por SHBA-të i janë përkushtuar besimit fetar pa pengesa.
“Jam i nderuar që jam me juve në këtë diskutim publik për ndryshimin e Projektligjit për liritë fetare. Komentet më të rëndësishme do të vijnë nga bashkësitë fetare. Kjo e drejtë përfshinë lirinë që çdo njeri mund të ndryshojë fenë. SHBA-të i janë përkushtuar besimit fetar pa pengesa. Ushtrimi i lirë i fesë është më shumë e drejtë e besimit individual” u shpreh ai.
Ambasadotri Hovenier deklaroi se Kosovës i mungon statusi ligjor për lirinë e fesë, prandaj edhe është kërkuar nga qeveria që kjo liri të mbrohet me Kushtetutë.
“Këtu në Kosovë Qeveria ka kërkuar mbrojtjen e lirisë së fesë përmes Kushtetutës e ligjit. Në Kosovë e kemi theksuar mungesën e statusit ligjor. Më shumë se një dekadë e kemi nxitur Qeverinë të miratojë ndryshimet për liritë fetare. SHBA-të rekomandojnë heqjen e çdo reference për numrin më të vogël” deklaroi Hovenier.
Në fund, ambasadori amerikan theksoi se çdo koment në këtë dëgjim publik do të merret parasysh dhe se SHBA-të janë të përkushtuara në rregullimin e Ligjit për Lirinë Fetare./InLajmi/
