Kompania Rajonale e Ujësjellësit “Prishtina”, njofton se nga dita e enjte fillon me aksionin për shkyçjen nga furnizimi me ujë të konsumatorëve borxhlinj, përcjell InLajmi.
Vendimi për fillimin e shkyçjeve nga furnizimi me ujë i konsumatorëve borxhlinj, sipas Ujësjellësit Prishtina është marrë pas lehtësimit të masave epidemiologjike nga koronavirusi.
Pra përveç bizneseve dhe institucioneve bëhet e ditur se do të shkyçen nga shërbimet e ujit edhe konsumatorët shtëpiak.
Njoftimi i plotë:
Meqenëse Qeveria e Republikës së Kosovës ka bërë lehtësimin e masave epidemiologjike nga Covid-19, konsiderohet se situata në Kosovë për sa i përket rrezikut nga pandemia është reduktuar dhe se aktivitet shoqërore dhe institucionale i janë kthyer normalitetit sikur në kohën e para pandemisë.
Bazuar në Vendimin e ARRU-së, Ujësjellësit të Prishtinës iu janë hapur të gjitha rrugët ligjore që nga sot të fillojë me shkyçjen e të gjithë konsumatorëve borxhlinj të shërbimeve të ujit.
Pra, përveç bizneseve dhe institucioneve do të shkyçen nga shërbimet e ujit edhe konsumatorët shtëpiak individual. /Inlajmi/
