Deputeti i Lidhjes Demokratike të Kosovës Besian Mustafa, kritikon Qeverinë e Kosovës për mos gjetjen e një zgjidhjeje për krizën energjetike, raporton InLajmi.
Mustafa tha se LDK-ja ka dhënë propozime se si të dilet nga kjo krizë, por sipas tij ky propozim u injorua nga Qeveria e Kosovës.
“Në pranverë të vitit 2021 kur filluan të dalin dhe parashikimet e para që do të ketë krizë energjetike, e të cilat paralajmërime i dhanë dhe ekspertët, por edhe ne si LDK duke dhënë propozimet se si të dilet nga kjo krizë. Fatkeqësisht nuk ndodhi asnjëra, as nuk u ula TVSh-ja, asnjë bllok i KEK-ut nuk shkoi në remont”.
Tutje, deputeti shtoi se qeveria nuk ka marrë asnjë masë që të zbusë krizën energjtike, derisa theksoi se e gjithë Evropa janë mobilizuar për këtë çështje.
“Qeveria i injoroi të gjithë ekspertët vendor e ndërkombëtarë. Shpresuam që qeveria do të marrë ndonjë veprim tjetër me ekspertët e saj, por nuk ndërmori asgjë. E gjithë Evropa po ballafaqohet me këtë krizë energjetike, por të gjithë kanë marr masa që të zbusin masat për qytetarët e saj, ndërsa Kosova nuk ka bërë asgjë. I vetmi veprim që kanë marr është shpallja e gjendjes emergjente”. /InLajmi/
