Anëtari i Kryesisë së Partisë Demokratike të Kosovës, Adri Nurellari tha se Kryeministri i Kosovës po tregohet i papërgjegjshëm që po merr pjesë në konferenca jashtë vendit, përderisa veriu po “digjet”, përcjell InLajmi.
Nurellari shtoi se në veri të Kosovës po vihet në pikëpyetje rendi ligjor, demokracia, sovraniteti, paqja e stabiliteti i vendit, kurse kryeminitri i Kosovës po “krihet” për të marrë pjesë nëpër konferenca, si ajo e ditës së enjte në Austri.
Ironike, sipas anëtarit të kryesisë së PDK-së është pjesa që konferenca në të cilin mori pjesë Kyryeminitri Kurti ditën e enjte në Austri mbanë titullin “Për një shoqëri sociale, demokratike dhe paqësore”, e këto vlera janë duke u kërcenuar aktualisht në Mitrovicën e Veriut.
Postimi i plotë i tij:
Veriu digjet, Kurti krihet në Austri
Në një pjesë të vendit po vihet në pikëpyetje rendi ligjor, demokracia, sovraniteti, paqja e stabiliteti i vendit dhe kryeministri turist i papërgjegjshëm nuk bën detyrën që t’i dalë zot vendit, por shkon në një konferencë social-demokratësh në Austri.
Ironikisht konferenca quhet “Për një shoqëri sociale, demokratike, paqësore”, vlera që sot janë duke u kërcënuar në veri të Kosovës e jo në Vjenë. /InLajmi/
