Ambasada e Shteteve të Bashkuara të Amerikës në Tiranë ka uruar qytetarët shqiptarë për Ditën Kombëtare të Rinisë, ku ka nënvizuar marrëdhëniet e mira SHBA-Shqipëri ndër vite, përcjell InLajmi.
Po ashtu Ambasada ka vlerësuar guximin e studentëve që kërkuan ndryshime politike dhe demokraci për vendin e tyre pasi studentët dhe të rinjtë shqiptarë protestuan kundër njërit prej regjimeve komuniste më mizore të Europës, duke nisur rënien e tij dhe duke u bërë protagonistë të një momenti shumë të rëndësishëm në historinë e Shqipërisë.
Postimi i plotë i Ambasadës së SHBA-së në Shqipëri:
Sot, Shqipëria shënon Ditën Kombëtare të Rinisë. Vetëm 32 vite më parë, studentët dhe të rinjtë shqiptarë protestuan kundër njërit prej regjimeve komuniste më mizore të Europës, duke nisur rënien e tij dhe duke u bërë protagonistë të një momenti shumë të rëndësishëm në historinë e Shqipërisë. Më 8 dhjetor, ne nderojmë guximin e atyre studentëve që kërkuan ndryshime politike dhe demokraci për vendin e tyre. Të rinjtë sot vazhdojnë të formësojnë të ardhmen e vendit dhe Shtetet e Bashkuara qëndrojnë krah për krah me popullin shqiptar ndërsa ju hidhni hapin tjetër të rrugëtimit tuaj demokratik drejt anëtarësimit në Bashkimin Europian. /InLajmi/
