Ministri i Mjedisit, Planifikimit Hapësinor dhe Infrastrukturës Liburn Aliu, i ka dhënë përgjigje deputetit Dimal Bashës për kritikat që pati për projektligjin e ri për trajtimin e ndërtimeve pa leje, raporton InLajmi.
Aliu i japi të drejtë Bashës sa i përket kritikave që pati për projekligjin.
Ministri thotë se ky projekligj përbën edhe diskriminim për dikë që ka ndërtuar pa leje krahas atij që ka ndërtuar me leje.
“Në parim deputeti Basha ka të drejtë, na po flasim këtu për trajtim të ndërtimeve pa leje. Kur themi ndërtim pa leje, nënkuptojmë shkelje, na amnistojmë ndërtues pa leje, përderisa i legalizojmë ata, pra na në një mënyrë bëjmë edhe diskriminim sepse kur dikush ka kërku leje, i ka ba të gjitha ato procedura, i ka pagu të gjithë ato taksa, i ka ndjek gjithë ato detaje që ia kerkojnë institucionet, derisa tjetri i cili ka ndërtu pa leje, të gjithë këto procedura i tejkalon me një veprim të vetëm, që është legalizimi. Pra na e diskriminojmë dikë që ka ndërtu me leje krahas atij që ka ndërtu me leje”. /InLajmi/
