Presidentja e Republikës së Kosovës, Vjosa Osmani, ka pritur këtë të merkurë në takim ambasadorin e Republikës franceze në Kosovë, Olivier Guérot, ku diskutuan situatën e fundit në Veri, përcjell InLajmi.
Osmani ka përsëritur angazhimin proaktiv të institucioneve të Republikës për ruajtjen e paqes dhe sigurisë në të gjithë territorin e shtetit.
Tutje Presidentja dhe ambasadori Guérot diskutuan mbi rezultatet e samitit të 18-të të krerëve të shteteve të Frankofonisë të mbajtur në Gjerba të Tunizisë, ku Kosova u përfaqësua nga Presidentja Osmani.
Presidentja Osmani e informoi ambasadorin Guérot mbi diskutimet e saj me liderët evropian për përkushtimin e institucioneve dhe popullit të Kosovës për ta avancuar rrugëtimin evropian, në veçanti planet e Kosovës për aplikim për anëtarësim në BE. /InLajmi/
