Një qytetar ka sulmuar kreun e Partisë Demokratike, Sali Berisha mesditën e sotme teksa ai ishte duke ecur në krah të Ilir Metës drejt bulevardit “Dëshmorët e Kombit” për të marrë pjesë në protestë.
Mësohet se qytetari e ka goditur Berishën me grusht në fytyrë. Kryedemokrati është gjakosur në fytyrë.
Situata aktualisht në protestë është e tensionuar, pasi mbështetës dhe simpatizantë të PD-së kanë dhunuar agresorin.
Nuk dihet ende identiteti i personit që sulmoi kreun e PD-së.
Pas sulmit Berisha u shpreh se asgjë në botë nuk na mposht, shkruan EuroNews.Albania
“Asgjë në botë nuk na mposht ne, popullin e opozitës dhe popullin e fitores, poshtë Edi Rama, poshtë kriminelët, ne do ju rrëzojmë. Jemi këtu sot së bashku për të protestuar kundër regjimit të horrave dhe kriminelave”– u shpreh Berisha.
