Kryeministri i Kosovës, Albin Kurti ka reaguar pas sulmeve në veri të Kosovës ku ka pasur shpërthime nga persona të paidentifikuar përcjell InLajmi.
Kurti tha se bandat kriminale e dine që po ju vie fundi dhe se qeveria e Kosovës nuk bënë pazare e as nuk i duron ato, bombat që hedhin, plumbat që shkrepin dhe maskat që vendosin janë pafuqia e tyre politike e popullore shtoi ai.
Ai tha se kriminelët që sipas tij paguhen nga Serbia e dirigjohen nga presidenti i saj do të hetohen dhe tendencat e tyre për destabilizim kriminal do të dështojnë.
Kurti ka kërkuar nga të gjithë qytetarët e Kosovës që të mbështesin shtetin dhe policinë e Kosovës dhe zyrtarët që po mbrojnë republikën dhe demokracinë.
Postimi i plotë i tij:
Bandat kriminale kanë intensifikuar sulmet në veri të Kosovës. Ato e dinë se po ju vie fundi. Qeveria e Kosovës as s’bën pazare me to dhe as s’i duron ato. Bombat që hedhin, plumbat që shkrepin dhe maskat që vendosin janë pafuqia e tyre politike e popullore. Me këto krime e sulme të armatosura në veri të Ibrit, doemos do të kemi më shumë polici të Kosovës atje. Sepse do të ketë hetime e ndjekje të këtyre kriminelëve, që paguhen nga Serbia e dirigjohen nga presidenti i saj. Shkeljet e shumta të ligjit nuk do të falen kurse tendencat për destabilizim kriminal do të dështojnë. Në 4 komunat në veri nuk është ndarja në serbë e shqiptarë, por në banda kriminale dhe qytetarë. Kërkoj nga të gjithë qytetarët e Kosovës që të mbështesin shtetin dhe policinë e Kosovës, të gjithë zyrtarët tanë që po mbrojnë kushtetutshmërinë dhe ligjshmërinë, republikën dhe demokracinë./InLajmi/
