Komisioni Qendror i Zgjedhjeve ka bërë të ditur se këtë të marte në veri të vendit zyrtarëve të tyre iu është pamundësuar hyrja në zyre në Mitrovicë të Veriut dhe Zubin Potok.
Lajmin e ka konfirmuar zëdhënësi i KQZ-së, Valmir Elezi.
Elezi shtoi se në lidhje me këtë situatë do të mbajnë sot mbledhje në ora 18:00.
“Jemi në pritje të njoftimeve nga Zyrtarët Komunal të Zgjedhjeve të cilët gjatë ditës së sotme, nën përcjelljen e Policisë së Kosovës kanë shkuar në zyret e tyre, në Mitrovicë të Veriut dhe në Zubin Potok, me qëllim të ushtrimit të detyrave zyrtare, por kjo nuk ishte e mundur.
Në këto raporte do të sqarohet situata e krijuar. KQZ-ja është në koordinim të vazhdueshëm me institucionet tjera, shkruan Front Online.
Lidhur me situatën e krijuar, KQZ-ja do të mbajë mbledhje, sot, me fillim në orën 18:00”, ka thënë ai.
