Kryetari I Aleancës për Ardhmërinë e Kosovës, Ramush Haradinaj ka takuar bashkëatdhetarët në Gjermani, përcjell InLajmi.
Haradinaj në takimin me kryetarin e Aleancës në këtë rajon, Driton Malaj kanë bashkëbiseduar për tema atdhetare si pike që bashkon partitë përtej ideologjive.
Ai gjithashtu shtoj se është i lumtur për vizitën e tij dhe se po kthehet në Kosovë me shpresën se nga mërgimtarët do të ndëgjojmë vetëm lajme të mira.
Postimi i plotë i tij:
Edhe sot kam vazhduar me takime të njëpasnjëshme me bashkëkombësit që jetojnë në Gjermani. E kuptoj shumë mirë ndjenjën e tyre, e përjetoj emocionin që kanë me mijëra kilometra larg vendlindjes, pasi që dikur isha edhe unë pjesë e tyre.
Dita e sotme kulmoi me tubimin në Sant Augustin, distrikti Rhein-Sieg-Kreis. I lumtur të shoh ata duke përparuar, duke ndihmuar familjet në Atdhe.
I falënderoj të gjithë emër për emër, nisur nga Driton Malaj, kryetar i Aleancës për këtë rajon, dhe secilin që ndau nga koha e tyre që të bashkëbisedojmë mes vete për fatet e Atdheut, që është pika jonë që na bashkon përtej partive e ideologjive.
Po kthehem në Kosovë, me shpresë që shumë nga këta mërgimtarë t’i takoj për festat e fundvitit dhe me shpresë se nga Kosova tash e tutje do të dëgjojnë vetëm lajme të mira./InLajmi/
