Kreu i AAK-së Ramush Haradinaj, ka kritikuar kryeministrin e Kosovës Albin Kurtin për veprimet e fundit të cilat i ka ndërmarrë, përcjell InLajmi.
Haradinaj thotë se Kurti po emëron ministra me urgjencë, po kundërshton tabela si dhe po provon zgjedhje fiktive në veri.
Gjithashtu ai theksoi se Kurti me veprimet e tij të fundit po e nxjerr Kosovën humbëse.
Haradinaj e pyet Kurtin se pse me çdo kusht po synon ta vendosë në rrezik veriun, duke i thënë “Ku ia ke qitë hesapin, a po don me çdo kusht me e rreziku veriun, apo je i padijshëm e s’po ka kush me të mësu”.
Postimi i plotë i tij pa ndërhyrje:
Çka po të ngutet o Albin Kurti me krejt planet, punët e veprimet që po i bën, qoftë duke provuar zgjedhje fiktive në veri, qoftë duke emëruar ministra me urgjencë, qoftë duke kundërshtuar tabela… e gjithmonë duke u tërhequr si dje e si sot e duke e nxjerrë Kosovën humbëse!
Ku ia ke qitë hesapin, a po don me çdo kusht me e rreziku veriun, apo je i padijshëm e s’po ka kush me të mësu!
Ndalu se don me e marrë në qafë këtë vend e këtë popull!. /InLajmi/
