Avokati Arianit Koci ka shpërndarë disa mesazhe kërkenuese, të cilat kanë ardhur në adresën e opinionistes Zana Avdiu, përcjell InLajmi.
Ai tha se kërcënimet kryesisht kanë qenë krahasim me vrasjen e 35 vjeçares në QKUK, duke i thënë se rasti i saj nuk është asgjë krahasim me atë se çfarë do të të ndodhë ty.
Koci tha se njerëzit mund të mos pajtohen me mendimin e Avdiut, por kërcënimet e tilla janë të papranueshme.
Postimi i tij i plotë pa ndërhyrje:
”Kam met t’qu bashk me hamiden natan” ose “… t’shkon jeta për lesh”, janë vetëm 2 prej shumë kërcënimeve që po i merr Zana Avdiu.
Hamidja, siç e dini është gruaja shtatëzënë, që u vra mizorisht nga burri i saj.
Ka edhe kërcënime tjera të rënda, me dhjetëra sosh, ku përdorët edhe gjuha eksplicite. Gjuhë e flliqt.
Mund edhe të mos pajtohemi me Zanën, por kërcënimet e tilla, janë të papranueshme në një shoqëri të civilizuar.
Në anën tjetër, kërcënimi publik dhe fyerja, e stimulojnë kërcënimin edhe më të madh.
Krijohet klimë e linçit publik.
Pas kësaj shpesh, pasojnë edhe veprimet konkrete.
Prandaj, tash po shkojme në Polici me i denoncuar të gjitha kërcënimet. /InLajmi/
