Kryetari i Komisionit Parlamentar për Kosovë, Milovan Drecun, ka vlerësuar sot se samiti i ardhshëm BE-Ballkani Perëndimor në Tiranë do të ishte i pakuptimtë pa pjesëmarrjen e vendit tonë, sepse Serbia është vendi më i rëndësishëm në këtë rajon, transmeton InLajmi.
Në një paraqitje të ftuar në TV Pink, Drecun deklaroi se presidenti serb Aleksandar Vuçiq do të vlerësojë nëse ai duhet të marrë pjesë në samit, por nëse ai vendos të mos shkojë, do të ishte një “katastrofë” për BE-në dhe vendet e tjera të rajonit.
“Serbia është vendi më i rëndësishëm në këtë rajon, samiti i BE-së me vendet e Ballkanit Perëndimor do të ishte i pakuptimtë pa pjesëmarrjen e Serbisë”, tha Drecun.
Rikujtojmë se edhe kryeminstrja e Serbisë, Ana Bernabiq, ka deklaruar se pjesëmarrja e Serbisë në Samitin e Ballkanit Perëndimor që do të mbahet me 6 dhjetor në Tiranë është e domosdoshme. /InLajmi/
