Kryetari i Nisma Social Demokrate në Prizren Zafir Berisha, e ka quajtur “mashtrues” kryeministrin Kurti, pas deklaratës së këtij të fundit se është student politik i Adem Demaçit, përcjell InLajmi.
Ai tha se ky është ofendim për Adem Demaçin, që ishte frymëzim për ato gjenerata që luftuan e sakrifikuan për liri e mosnënshtrim, por jo edhe për ata që gjatë luftës jepnin deklarata për shtyp nga burgjet e Serbisë.
Berisha shtoi se Kurti këtë e ka bërë në mungesë të personalitetit e mandej identifikohet nga figura patriotike, por për të hyrë në histori, sipas Berishës, nevojiten sakrifica dhe vepra.
Postimi i plotë i tij pa ndërhyrje:
Është ofendim i rënd që Adem Demaçi të identifikohet me një mashtrues…
Adem Demaçi ishte frymëzim i gjeneratave që luftuan dhe u sakrifikuan për liri dhe mos nënshtrim, por jo edhe për ata që në kohën kur luftohej për liri a vdekje në Kosovë, ju dorzuan Serbisë dhe mbanin konferenca shtypi në burgjet serbe.
Në munges të personalitetit të vetë, Albini ka parë ëndërr dhe dëshiron të identifikohet me ikonën e lëvizjes për liri e pavarësi!
Për më hy në histori, duhet sakrifica dhe vepra të mëdha, nuk mund të hysh në histori duke u vetë idendifiku me ata që bënë historin. /InLajmi/
