Kryetari i komunës së Klinës Zenun Elezaj, ka njoftuar se specialisti i kardiokirurgjisë, Endrit Shala, është shpallur fitues i çmimit prestigjioz botëror “Francis Fontan” për kardiokirurgji nga Asociacioni Evropian për Kirurgji Kardio-Torakale, përcjell InLajmi.
Endrit Shala i është bashkuar komunitetit më të madh botëror për kirurgji të zemrës me çmimin e fituar.
Elezaj tha se ndjehet shumë i lumtur që po dëgjon lajme se të rinjtë e Klinës po arrijnë suksese të mëdha në nivel ndërkombëtar.
Ai gjithashtu shtoi se është nder dhe krenari për neve që një specialit si Endrit Shala punon në SHSKUK.
Njoftimi i plotë nga Aleanca për Ardhmërinë e Kosovës:
Kryetari i Komunës së Klinës, Zenun Elezaj ka ndarë një lajm të mirë për këtë Komunë dhe për gjithë Kosovën⬇️
Doktori nga Ujmiri i Klinës, Endrit Shala, shpallet fitues i çmimit prestigjioz botëror “Francis Fontan” për kardiokirurgji nga Asociacioni Evropian për Kirurgji Kardio-Torakale.
Jam vërtetë i lumtur kur dëgjoj se të rinjtë e Klinës po arrijnë suksese të mëdha në nivel ndërkombëtar.
Një lajm i mirë na vjen edhe për specialistin e kardiokirurgjisë, Dr. Endrit Shalen, i cili është shpallur fitues i çmimit prestigjioz botëror “Francis Fontan” për kardiokirurgji nga Asociacioni Evropian për Kirurgji Kardio-Torakale, duke iu bashkuar komunitetit më të madh botëror për kirurgji të zemrës.
Endriti është një shembull për t`u ndjekur nga të rinjtë edhe për atë se pjesën më të madhe të studimeve i ka kryer në Kosovë dhe se me vullnet e angazhim sistematik nxënësi i shkollës së Ujmirit, tash Ali Krasniqit, gjimnazisti i “Luigj Gurakuqit” e studenti i Universitetit të Prishtinës ka arritur të jetë pjesë e mjekëve më elitarë të botës.
Endriti një kohë ka punuar edhe si mjek në Klinë, ndërsa ka vazhduar me ndjekjen e specializimit në Baskent University Hospital Ankara dhe shumë trajnime të tjera më rëndësi.
Është fat i mirë për ne që një doktor i përmasave të tilla punon në SHSKUK në Prishtinë.
Urime për Endritin për këtë arritje, që na bënë krenarë të gjithëve, ish mësimdhënësit e tij, qytetin e Klinës e Republikën e Kosovës! /InLajmi/
